Қайтару және айырбастау

Нені қайтаруға болмайды

Барабаннан немесе бухтадан өлшеп кесілген кабель, сым және басқа өнім қайтарылмайды әрі айырбасталмайды. Бұл бізддің қалауымыз емес, тауардың табиғаты: біз сіздің тапсырысыңызға нақты метражды кесеміз, ал кесілген бөлікті қайта бухтаға қосу мүмкін емес. Қазақстан Республикасының заңнамасы бойынша метражбен босатылатын және жеке тапсырыс бойынша дайындалған тауарлар айырбасталуға жататындар тізіміне кірмейді.

Сондықтан метраж бен марканы шот жазуға дейін әрқашан растаймыз. Таңдауға күмәндансаңыз — қандай нысан және қандай міндет екенін жазыңыз: бірге таңдаймыз, бұл тегін және бірнеше минут алады.

Нені қайтаруға болады

• Зауыттық қаптамадағы, қолданылмаған, пломбалары мен заттаңбалары сақталған тауар — сатып алған күннен бастап 14 күн ішінде.
• Автоматты ажыратқыштар, қалқандар, шамдар, аспаптар, қораптар және басқа даналық позициялар — орнатылмаған және тауарлық түрі сақталған болса.
• Бухталар мен барабандар толығымен, егер қаптама ашылмаған және кабель тарқатылмаған болса.
• Қайтару үшін сатып алу құжаты керек: чек, жүкқұжат немесе шот.

Тауар ақаулы болып шықса

Ақауды кез келген жағдайда және әдеттегі қайтаруға берілген мерзімге қарамастан ауыстырамыз. Бізге жазыңыз, фотосуреттер мен жүкқұжат нөмірін қоса жіберіңіз — позицияны ауыстырамыз немесе ақшаны қайтарамыз. Ақау монтаж кезінде байқалса, жұмысты жалғастырғанға дейін хабарлаңыз.

Energy CABEL меншікті өндіріс өніміне сапа құжаттары әр партияға ресімделеді, мәселе сол бойынша шешіледі.

Қайтаруды қалай ресімдеу керек

• sales@eproject.kz мекенжайына немесе WhatsApp-қа жазыңыз: нені қайтарасыз, жүкқұжаттың нөмірі мен күні, себебі.
• Растауды күтіңіз — позицияны құжаттар бойынша тексеріп, қайтаруға жата ма, соны айтамыз.
• Тауарды Алматыдағы қоймаға, Монгольская көшесі, 59, жұмыс уақытында Дс–Жм 09:00-ден 18:00-ге дейін әкеліңіз. Қайтаруды жеткізуді сатып алушы ұйымдастырады, ақау мен пересортты қоспағанда — онда шығыс біздікі.
• Ақшаны төлем қалай жүрген болса, сол әдіспен қайтарамыз: ұйым шотына немесе қолма-қол, тауар қабылданған сәттен бастап 10 жұмыс күніне дейін.

Ұйымдар үшін

Жеткізу шарт бойынша жүрген болса, оның талаптары қолданылады: олар осы беттен басым. Әдетте қайтару мен ауыстыру шарт нөмірі мен спецификация көрсетілген фирмалық бланкідегі хатпен келісіледі.

Мемлекеттік сатып алулар бойынша тәртіп лот талаптарымен және жасалған шартпен айқындалады.